🙏🙏🙏 10:02 02/09/2025

Որդուս շիրիմը մնաց Ստեփանակերտում, «Արցախի կանչը» հուշահամալիրը ինչ-որ չափով հանգստություն կբերի ծնողներին. Գայանե Աղայան
Արցախի Հանրապետության անկախության հռչակման օրը շատ արցախցիներ Եռաբլուր զինվորական պանթեոնում են։
Գայանե Աղայանի որդին ու փեսան զոհվել են Ստեփանակերտի բենզալցակայանի պայթյունի հետևանքով, փեսան հուղարկավորված է Եռաբլուրում։ Որդու դին մնաց Արցախում։
«Շաբաթն առնվազն երկու անգամ մենք Եռաբլուր ենք գալիս։ Ես ու ինձ նման հազարավոր ծնողներ հանգստություն չենք գտնում, քանի որ մեր որդիներին թողեցին Ստեփանակերտում։ Հանգստություն գտնելու համար գոնե մի խորհրդանիշ էր պետք, որտեղ կարող էինք գալ։ Ահա ասյօր բացվում է «Արցախի կանչը» հուշահամալիրը, որը որոշակի հանգստություն կբերի մեզ։ Ես չեմ կարող ասել, որ այն կփոխարինի մեր զավակների շիրիմներին»,-Panorama.am-ի հետ զրույցում ասաց տիկին Գայանեն։
Արցախցի կինը մաղում է, որ էլ ոչ մի մայր որդի չկորցնի, բոլորն ապրեն խաղաղության մեջ՝ գիտեկցելով, թե ում շնորհիվ են այստեղ կանգնած։
«Իմ որդին ու փեսան մասնակցել են պատերազմներին, հրաժարվել են զենքը վայր դնել, ու դարձան պայթյունի զոհը։ Դա ամենաողբերգական բանն էր, որ տեղի ունեցավ»,-ասաց Գ. Աղայանը։ https://youtu.be/Hej_KOrOQw0