Նա խաղաղություն բերեց խեղճ Ալբանիային, որ 34-35 տարի Աբե...բայջանի հետ, երկար տարիներ կռվում էր՝ հայտնեց նա Մարկ Լևինի եթերում։

Շնորհավոր, Ալբանիա, խաղաղությունդ, Փաշինյանը միանում է Թրամփի ակցիային։

Իսկ մենք ինչպես հիմա ենք էշի ականջում քնած, առաջ էլ մի արթուն չէինք. Փաստորեն՝ Ալբանիայի պես դաշնակից ունեինք, որ մեզ հետ հավասար կռվում էր ու չգիտեինք։

Ինչևէ՝ եկեք հավատանք Թրամփին, ինչպես հավատում ենք Նիկոլի խաղաղությանը։

Ձեռնտու է։

Այսօր, արդեն լինելով Ալբանիա,  հարևան ենք Հունաստանին, Մոնտենեգրոյին, Կոսովո... սրան եկեք չհաշվենք, համենայն դեպս։ Վերջապես մենք ծով էլ չէ՝ օվկիանոս ունենք, Ադրիատիկը։ Ինչպես որ Թրամփը Լևինի մոտ Սև ծովն է անվանել օվկիանոս։

Եկեք չհերքենք, չուղղենք Թրամփին՝ նա գերտերության նախագահ է, մեզնից լավ գիտե ում է խաղաղություն բերել։ Ու իրական Ալբանիան պիտի շնորհակալ լինի իր արժանի զավակին դրա համար։

Ու իրական Հայաստանն էլ, որպես իրական Ալբանիա, որ իրական խաղաղության իրական շեմին, թե միջանցքին է, իրապես պիտի Թրամփին իր իրական ժառանգորդը համարի։

 Սա արդեն՝ բոլոր առումներով։ Նույնիսկ՝ ժառանգությունը Թուրքիային փոխանցելու իրավունքով, ինչքան էլ որ թուրք դիվանագետները հետև են խաղացնում, թե՝ այդ ուղին Թուրքիային ձեռնտու չէ։

Անահիտ Ոսկանյան