Күн сайын 10–30 мүнөт сейилдеңиз.

Сейилдеп жүргөндө жылмайыңыз.
Күнүнө жок дегенде 10 мүнөт тынчтыкта өткөрүңүз.
Кеминде жети саат уктаңыз.
Үч «Э» менен жашаңыз: Энергия, Энтузиазм, Эмпатия.
Көбүрөөк оюн ойноңуз.
Көбүрөөк китеп окуңуз.
Йога, медитация, дуба үчүн убакыт бөлүңүз, анткени алар күчтү калыбына келтирет.
70 жаштан улуу жана 6 жаштан кичүү адамдар менен көбүрөөк убакыт өткөрүңүз.
Көбүрөөк кыялданыңыз.
Даракта өсүүчү азыктарды көбүрөөк, заводдо жасалгандарды азыраак жеңиз.
Көп суу ичиңиз.
Күнүнө жок дегенде үч адамды жылмайтууга аракет кылыңыз.
Баалуу энергияңызды ушакка коротпоңуз.
Өткөндөгү көйгөйлөрдү унутуңуз. Жакындарыңызга мурунку уруштарды эскертип, азыркы бактылуулугуңузга тоскоолдук кылбаңыз.
Терс ойлордон арылып, жакшы жагына көңүл буруңуз. Түшүнүңүз: жашоо – мектеп, сиз бул жакка үйрөнүү үчүн келдиңиз. Кыйынчылыктар – математика сабагы сыяктуу эле убактылуу, ал эми алган сабак өмүр бою калат.
Жашоо өтө кыска, аны жек көрүүгө коротпоңуз. Эч кимди жек көрбөңүз.
Өзүңүздү өтө олуттуу кабыл албаңыз. Башкалар андай кабыл албайт. Ар бир талашта жеңишке жетүүнүн зарылдыгы жок. Катаңызды мойнуңузга алууну үйрөнүңүз.
Өткөнүңүз менен келишимге келип, анын азыркы жашооңузду бузушуна жол бербеңиз.
Жашооңузду башкалардыкына салыштырбаңыз. Сиз алардын жашоосу жөнүндө дээрлик эч нерсе билбейсиз. Сүйүктүү адамыңызды да башкалар менен салыштырбаңыз. Бактыңызды камсыз кылуу – өзүңүздүн колуңузда.
Кечиримдүү болуңуз. Башкалардын сиз жөнүндө эмне ойлогону – бул сиздин ишиңиз эмес. Эсиңизде болсун: жагдай кандай гана жакшы же жаман болбосун, ал өзгөрөт.
Сиз ооруп калсаңыз, жумушуңуз сизди багып албайт. Досторуңуз кам көрөт. Алардан алыстабаңыз!
Пайдасыз, жагымсыз жана кубандырбаган нерселерден арылыңыз.
Көрө албастык – убакытты текке кетирүү. Сизге керектүүнүн баары бар же жакында болот.
Эң жакшы нерселер али алдыда.
Өзүңүздү кандай сезсеңиз дагы – ордуңуздан туруп, кийинип, адамдар менен баарлашыңыз.
Ар дайым туура жолдо болуңуз.
Жакындарыңызга көбүрөөк чалыңыз.
Чамадан ашырбаңыз. Акылга сыярлык чектерди белгилеңиз.
Бул кеңештерди сиз үчүн маанилүү адамдар менен бөлүшүңүз.