Дьоро күн

Тохсунньу 28 күнүгэр Модуппутугар кыраайы үөрэтэр түмэл арыллыытын уонна 2023 сылы Үөрэҕирии сылынан биллэриллэр тэрээһиннэрэ ыытылыннылар.
Тэрээһиҥҥэ ыҥырыллан кэлбит ыалдьыттар элбэх алгыс тылларын эттилэр. Нэһилиэкпит баһылыга Ефим Ефимович Гоголев сыллааҕы үлэлэр былааннарын билиһиннэрдэ. Үөрэҕирии сылынан олохтоох кулууп дьиэтигэр «Кэнчээри» уһуйаан уонна Модут орто оскуолатын учууталларын талааннарын көрдөрөр уус-уран оҥоһуктар быыстапкалара буолла. Үөрэҕирии салаатын үлэһиттэрэ нэһилиэнньэ олохтоохторугар ырыа-үҥкүү кэһиилээх кэлэн көрдөрдүлэр.