"Олоҥхо оонньуулара уонна оонньуурдара" бэйэ айбыт остуол оонньууларын улуустааҕы күрэҕэр биһиги детсадпыт төрөппүтэ Александрова Мария Егоровна, "Дьырыбына Дьырылыатта оһоллоох охсуһуута" оонньууну оҥорон бастакы миэстэни ылары ситистэ.

Оонньуу 4-5 саастан үөһэ оонньонор.
Сайыннарар өрүтэ: оҕо толкуйун, өйүн-санаатын сайыннарарга, олоҥхо күүстээх иитэр өрүтүн көрдөрүүгэ, олоҥхо тылын- өһүн байытыыга, саҥарар саҥаҕа туттууга үөрэтэр.
Састааба: төгүрүк хаамар дуоска, 2 олоҥхо геройдара, быраҕар хаамыска, ыйытыылаах карточкалар.
Матырыйаала: төгүрүк дуоска (фанера), хортуон, фотобумага карточкалар.
Быһаарыыта: оҕолор биир геройу талан, сүрүн герой Дьырыбына Дьырылыатта, уһун олоҥхо остуоруйатыгар үктэнэллэр. Хас биирдии герой хас хардыытын аайы хаамыска быраҕар, хаамыска 1- тэн 6-ҕа диэри хардыылаах, ол түспүт хардыытынан араас боппуруостарга эппиэттииллэр уонна хоруйдары оҥороллор. Орто дойдуттан айаннаан аллараа дойдуга тиийэн, абааһы уолун кыайан хотон, бар дьонноругар, төрөөбүт дойдуларыгар эргиллиэхтээхтэр.
Мария Егоровнаны ситиһиигинэн эҕэрдэлиибит, айар талааныҥ өссө да сайда турарыгар баҕарабыт!