Күн бүгүн Раиса Николаевна Тимофеева – Сырдык Күүс салайааччылаах «Уран тыл оһуора» - диэн айар үлэ абылаҥар ылларбыт, бэрт сэргэх интириэһинэй дьону кытта билистибит.

Өксөкүлээх Өлөксөй аатынан норуоттар доҕордоһууларын дьиэтигэр түмсүү кыттыылаахтарын суруйбут хоһооннорун кинигэлэрин, ыллана илик саҥа ырыанньыктарын бэлэх ууннулар.
«Уран тыл оһуора» түмсүү Сахабыт сирин элбэх улуустарыттан айар кут абылаҥар ылларбыт дьону түмэн араас хабааннаах тэрээһиннэргэ кытталлар. Бу түмсүү уопсайа 21 кинигэни таһааттарбыт. Кинигэҕэ Сахабыт сирин күөҕүнэн симэммит кэрэ айылҕатын, сайылыгын, түптэ унаар буруотун, хороҕор муостаах ынахтарын, сыспай сиэллээх сылгыларын , ыһыах, оһуохай туһунан араас идэлээх айар куттаах, талааннаах дьон хоһоонноро киирэн ааҕааччы киэҥ араҥатыгар тарҕаналлар.
«Уран тыл оһуора» түмсүү кыттыылаахтара Раиса Николаевна, Прасковья Алексеевна-Туску, Тамара Ивановна-Сиккиэр СВО-ҕа сетка өрүүтүгэр бэйэлэрин кылааттарын киллэрдилэр.