«Мин туйгун норуотум-айар күүс кыһата» култуурунай-үөрэтэр форумҥа Уус Таатта орто оскуолатын ситиһиитэ

2023-2024 үөрэх дьыла саҕаланаатын кытта, балаҕан ыйын 7-8 күннэригэр Таатта улууһун Чөркөөҕөр «Мин туйгун норуотум-айар күүс кыһата» култуурунай-үөрэтэр форум буолан ааста. Биһиги оскуолабытыттан 17 оҕо сирэй, 4 оҕо кэтэхтэн кытынна. Ордук өйтөн суруйууга, хоһоон айыытыгар, уус-уран ааҕыыга, чабырҕаҕы толорууга, Былатыан ойуунускай олоҕун, айар үлэтин үөрэтиигэ дакылаат суруйуутугар уонна эти-хааны тургутар өбүгэ оонньууларыгар күрэхтэстилэр. Оҕолорбут бары миэстэлэһэн, үөрэн кэллилэр.
Ол курдук уус-уран ааҕыы түһүлгэтигэр уолаттар бөлөхтөрө (сал.Готовцева Р.А, Николаева А.П, Постникова М.С) -анал аат, кыргыттар бөлөхтөрө (сал.Готовцева Р.А, Николаева А.П) -2 миэстэ, чабырҕахха Аянитова Эльза -2, Баратова Нелли-3 (сал.Кучурова Н. Н.), литературнай хаһыат оҥоруутугар 2 (сал.Готовцева Р. А, Николаева А.П.), дакылаат ааҕыытыгар Винокурова Ляна-1 (сал.Николаева Н.В.) миэстэ буолары ситистилэр.
Иккис күн оскуолабыт учууталларын күүһүнэн «Өбүгэ оонньуутун» түһүлгэтэ ыытылынна. Манна СахаЭМБЛ оонньуутугар ветеран-спортсмен, учуутал Протодьяконов Руслан Николаевич, тутум эргииргэ Саха Өрөспүүбүлүкэтин физкультураҕа уонна спортка туйгуна Кочнев Алитет Иванович судьуйалаатылар, алын сүһүөҥүн кылаастарын учууталлара Никулина С. П., Колодезникова Т. А., Назарова Н. В күрэхтэһии сэкэрэтээрдэрэ буоллулар, күрэхтэһии аһыллыытын, сабыллыытын Кочнева А.С. иилээн-саҕалаан тэрийдэ.
Уопсай түмүккэ тутум эргииргэ 1 м- Осипова Валерия, 3-Готовцева Кира, онтон уолаттарга 1-Егасов Валентин, 3 м- Чириков Ярик (сал.Кочнев А.И.) таҕыстылар. СахаЭМБЛ көрүҥэр 1м-Егасов Валентин (сал.Протодьяконов Р.Н.) кыайыы өрөгөйүн биллилэр. Түһүлгэ кыайыылаахтара хайҕал суруктарынан, кыайыыны туоһулуур мэтээллэринэн уонна Тааттатааҕы үөрэх салалтата, Чөркөөхтөөҕү олохтоох дьаһалата туруорбут сыаналаах бириистэринэн наҕараадаланнылар.
Кэтэхтэн кыттыыга өйтөн суруйууга Туласынов Радион-3м, Оконешникова Нария-3м, хоһооҥҥо Колодезникова Оляна, Готовцев Кирилл (сал.Николаева А.П., Готовцева Р.А.) диплом ыллылар.
Халлааммыт олус тымныы, хаардаах ардахтаах да буоллар, повар Е. И. Игнатьева, уопсай тэрээьиннэ ис сүрэхтэриттэн оскуолаларын, үөрэнээччилэрин ситиһиилэригэр күүс-көмө буолбут учууталларбытыгар Васильева К. Г., Аянитова О.Ю., Максимов О. А., Протодьяконов Р. Н., Постникова У. Н. махтанабыт.
Анна Кочнева, дириэктэри иитэр үлэҕэ солбуйааччыУус Таатта орто оскуолата