Июль ай, 1941 jыл.

Ада-Тöрöл учун Улу jууныҥ jаны ла башталган сыраҥай ла калапту, кату öй. Москвадаҥ атанган поезд фронтко jууктап клееткен. Бу барып jаткан эшелондо Кöксуу-Оозы районнон Ак-Кем, Куjурлу, Тÿҥÿр деп jурттарынан кöп алтай уулдар болгон.
Вагондордыҥ бирÿзинде Иван Аюбаевич Бедюров барып jаткан. Оныла кожо Куjурлудаҥ Яла Шикакович, Тÿҥÿрдеҥ Черепанов Андрей Алестарович ле оноҥ до öскöлöри.
Эшелон Великие Луки деп станцияга jyyктап келеткен. Кенетийин фашисттердиҥ бомбардировщиктери барып jаткан составты бомбалаган. Иван Аюбаевич билинип келерде, госпитальда эмтир. Контузиядаҥ улам ол укпас ла туруп базар аргазы jок болуп калган. Врачтар оны бир эмеш ондолтоло, jарым jылга амырап, эмденип алзын деп jери-jуртына jандырып ийген. Je jуучыл ÿч ле ай öткöн соҥында ойто ло фронтко суранган.
Бу катай ол Калининградский фронтко атанган. Keнигсбергти jайымдаары учун jyy-согушта Бедюров медальла кайралдаткан.
Онын кийнинде алтай jуучыл Польшаныҥ jерин jайымдаар jуу-согуштарда туружып, «3а отвагу» медальла, «Слава» орденле кайралдаткан.
Одер сууныҥ jарады. Бедюровтыҥ взводы бу сууны кечеле, бистиҥ арткан jуучылдар кечкенче, оҥ jаратты тудар jакару алган.
Та канча кире öштÿлер jыгылган, Бедюров тоозын да jылыйтып койгон. Je от калапту jуу-согуш ортодо бир ле билинип келзе, jуукада jаҥыскан арткан эмтир. Одоштой тургузып койгон ÿч пулеметтоҥ ол jÿгÿрип туруп, элип-селип аткан ла ат¬кан... Учында кöрöр болзо, ол öштÿлердиҥ ÿч атаказын «тумчалада» аткан эмтир. Бу ат-нерелÿ кереги учун Иван Аюбаевич Jyyчыл Кызыл Мааныныҥ ордениле кайралдаткан.
Jенуни ол Бранденбург городто уткыган. 1945 jылдаҥ бери Kyjypлy jypтта jaткан.
Георгий ШИКАКОВ, Тюнур jурт.
Бу материал 4 апрельде 1986 jылда «Алтайдыҥ чолмоны» газетте чыккан.