Яшамайлик эканда энди!

Яшамайлик эканда энди, Тинчлигимиз қайга йўқолди. Дунё эди дунёларимиз, Соғинчларга айланиб қолди. Яшамайлик эканда энди, Ўғримисиз, кўнгил ўғриси. Устамонлар кўпдиру, аммо, Бунчалари йўқдир, тўғриси. Яшамайлик эканда энди, Сиз деб ухлаб, сиз деб уйғондик. Бир кўрдигу, шўримиз қуриб, Қаранг, роса балога қолдик. Яшамайлик эканда энди, Баҳорсиздек ёз-қишларимиз. Сиздан бошқа дунёда йўқдек, Тирикчилик, ташвишларимиз. Яшамайлик эканда энди, Суяк бориб этга ёпишди. Отангизу-онангиз айтинг, Сиздақасин қайдан топишди. Яшамайлик эканда энди, Сўзга кўнмас бу қайсар юрак.Тик юрармиз сизсиз ҳам, илло, Тирик юра олмасак керак.Яшамайлик эканда энди... Малика Тавфиқ