🇮🇹 Праязны дакумент у Італіі

Праязны дакумент для iншаземцаў( il titolo di viaggio per i stranieri) - гэта афіцыйны дакумент, які выдае ўпраўленне тэрытарыяльнай паліцыі Італіі. Гэта не той самы дакумент для ўцекачоў, гэта два розныя дакументы. Але іх выдачу рэгулюе адзіны Артыкул 24 заканадаўчага дэкрэта 251/2007.
На жаль, гэты дэкрэт толькі ўскосна дае магчымасць атрымаць пашпарт замежніка, бо ў артыкуле 24 напісана, што яго могуць атрымаць асобы, якія знаходзяцца пад дадатковай абаронай і якія з некаторых прычын не могуць звярнуцца ў амбасаду краіны паходжання. З 2007 года гэты артыкул не мяняўся, што сведчыць пра слабы попыт на дакумент. Але ў нашым унікальным выпадку трэба спрабаваць і падаваць запыт на атрыманне гэтага дакумента, паслядоўна і грунтоўна яго матывуючы.
Што трэба зрабіць, каб атрымаць праязны дакумент для замежніка?
Неабходна звярнуцца ў тэрытарыяльнае ўпраўленне паліцыі (questura). Перш чым запісвацца ў квэстуру, мы раім напісаць ліст на электронную скрыню квэстуры вашага горада. Ліст пішацца ў свабоднай форме, асноўная яго мэта - распавесці пра сітуацыю і папрасіць дапамогі. Бо менавіта ў нашым выпадку гэта не абавязак квэстуры, але крок насустрач.
Да ліста трэба прыкласці наступныя дакументы ў фармаце пдф:
■ Пераклад указа Лукашэнкі;
■ Афіцыйны адказ беларускай амбасады з адмовай у выдачы пашпарта. Каб яго атрымаць - пішыце ў амбасаду РБ;
■ Калі ёсць доказы пераследу - іх таксама. Калі вы ўдзельнічалі/удзельнічаеце ў пэўных актыўнасцях і маеце сведчанні таму, можаце звярнуцца ў Bysol па даведку;
■ Калі доказаў няма, можаце прыкласці даведнік рэпрэсій, якім падвергліся беларусы, вярнуўшыся ў Беларусь 👉 https://docs.google.com/document/d/1KgDrcAEYbiMTvbwl3PTJcJOufzlb3Y8a8nMnnif8OCg/edit Ліст трэба адправіць на электронныя скрыні questore, а таксама да міграцыйнага офісу. Калі вам не адкажуць - дасылайце зноў.
Калі вы атрымаеце пазітыўны адказ, трэба запісацца на прыём і ў назначаны дзень прыйсці ў квэстуру з наступнымі дакументамі:
■ 2 фатаграфіі пашпартнага памеру;
■ від на жыхарства (дзеючы або з квітанцыяй аб падаўжэнні);
■ марку (16€, набываецца ў tabaccheria);
■ марку дзяржаўнага падатку на выкарыстанне пашпартоў( € 73,50);
■ квітанцыю аб паштовым плацяжы з надпісам «Proventi dalla cessione di documenti di viaggio per stranieri»(conto corrente n.67422808 intestato a Ministero dell'Economia e delle Finanze - Dipartimento del Tesoro di € 42,22)
■ копіі дакументаў, якія вы дасылалі ў пдф фармаце: афіцыйны адказ беларускай амбасады з адмовай у выдачы пашпарта, указ Лукашэнкі на італьянскай мове, доказы пераследу, даведку ад Bysol, даведнік рэпрэсій, якім падвергліся беларусы, вярнуўшыся ў Беларусь.
Больш падрабязней глядзіце на партале іміграцыйнай службы
❗Інфармацыю па іншым краінам вы можаце знайсці на сайце pashpart.org ❓Калі ў вас засталіся пытанні наконт атрымання праязнога дакументу ў Італіі - пішыце на скрыню Народнай амбасады Беларусі ў Італіі italy@belarusabroad.org ці ў наш чат-бот.
Народныя Амбасады | Ананімны зварот | Падтрымаць нас
#newgrodno #одеждабеларусь #витебск #gomel #minsklife #nature #мозырь #gomeltut #beauty #beautiful #summer #женскаяодежда #minskgood #instaminsk #travel