***

Ժամադրո՜ւմ եմ,
միայն թե ո՛չ սովորական
Հանդիպման պես,
որ սիրում են սիրահարները պարզունակ...
Ժամադրում եմ,
միայն թե ո՛չ շուրթերին,
Ո՛չ ուսերի վրա,
Կրծքավանդակին կամ ձեռքերով...
Թե համաձայն ես՝
ուրեմն մուտքը ներսից է,
ներսերեն է ճախրն ու հպումը,
ներսային է տրոփն ու ալեկոծությունը,
որ գաղտնի է նույնիսկ մարմնից...
Թե համաձայն ես՝
Ձեռքերդ տանը թող ու արի,
թե համաձայն ես,
դարձիր ձեռքերիս շարունակությունը...