Ողջագուրվի՜ր,

ողջագուրվիր այնպե՜ս համբույրիս հետ,
որ նա մոմի նման հալվի-կորչի
ջերմությանից քո աչքերի,
ու թող մեռնի դեռ ծնվելիս սերմի նման,
ու թող սիրո ծաղիկ բուսնի տեղը նրա:
Վա՞րդ.................չէ՜:
Փշեր պետք չե՜ն:
Մի երիցուկ թող երևա
արևի պես պարզ ու հստակ,
արևահամ, արևաբույր, արևագույն
և... արևանման:
Թող համբույրն իմ աչքերումդ մեռնի, իսկ ես՝ գնամ:
Ու կրակից քո կարոտի հուշերն անգամ վառվեն ու մոխրանան,
շշունջ անգամ թող չլսվի անպատասխան. «մնա՜»,:
Ողջագուրվի՜ր համբույրիս հետ քանի ես կամ:
Հոգնել եմ ես, գիտե՞ս:
Ու... այն էլ՝ շա՜տ:
Էլ չեմ ուզում վերադառնալ
ծաղկի տեսքով անգամ...