Любанская районная библиотека.Отдел обслуживания.

ЛЮБАНШЧЫНА Ў СМІ Галоўнае багацце Любанскага лясгаса — гэта людзі Любанскі раён уражвае шматлікіх гасцей сваімі непаўторнымі краявідамі Густыя косы хваёвых лясоў, якія абрамляюць азёры і рака, нікога не пакідаюць раўнадушным. Для таго каб адпачыць, атрымаць зарад бадзёрасці і новых сіл, сюды прыязджаюць не толькі жыхары Беларусі, а і расіяне, жыхары іншых краін. Гасцінная Любаншчына надоўга застаецца ў памяці кожнага. Захаванне гэтай лясной прыгажосці, ахова зялёных багаццяў ад пажараў — адны з кірункаў дзейнасці Любанскага лясгаса. Пра тое, чым сёння можа па праве ганарыцца ўстанова, "ЗВЯЗДА" папрасіла расказаць дырэктара Любанскага лясгаса Сяргея ШУЛЯКОЎСКАГА. Галоўнае багацце Любанскага лясгаса — гэта людзі, адказныя работнікі, многія з якіх аддалі рабоце ў арганізацыі не адзін дзясятак год і сталі прадаўжальнікамі працоўных дынастый. Працоўны калектыў лясгаса складае каля 400 чалавек. У склад арганізацыі ўваходзяць дзевяць падраздзяленняў, восем лясніцтваў, а таксама дрэваапрацоўчы цэх, гадавальнік, паляўнічая гаспадарка і лесапункт. Вядома, высокія паказчыкі працы кожнага падраздзялення — гэта вынік адказнай работы спецыялістаў. Таму Любанскі лясгас ганарыцца сапраўднымі прафесіяналамі. Штогод праводзяцца ўрачыстыя мерапрыемствы, прысвечаныя Дню работніка лясной гаспадаркі, падчас якіх мы ўручаем узнагароды нашым перадавым работнікам. Гэта і аператары харвестэраў, фарвардэраў, ляснічыя, якія ўзначальваюць найлепшыя калектывы, вальшчыкі лесу, кіроўцы... Прыемна адзначыць, што начальнік гадавальніка Валянціна Скрыган мае званне «Ганаровы лесавод». Паляўнічая гаспадарка невялікая па памерах, знаходзіцца ў паўднёвай частцы Мінскай вобласці, яе плошча складае каля 40 тысяч гектараў. Угоддзі размешчаны кампактна. За належным парадкам на тэрыторыі паляўнічай гаспадаркі сочаць двое егераў. Яны забяспечаны ўсім неабходным і для правядзення рэйдавых і біятэхнічных мерапрыемстваў, маюць арэндную зброю. Узначальвае калектыў егераў паляўніцтвазнавец Мікалай Гінько. Паляўнічая гаспадарка можа развівацца толькі пры наяўнасці добрай інфраструктуры. Адным з яе важных складнікаў з'яўляецца наяўнасць Дома паляўнічага — месца, дзе створаны выдатныя ўмовы для адпачынку. Дом паляўнічага Любанскага лясгаса знаходзіцца ў найпрыгажэйшым месцы, непадалёк ад санаторыя «Світанак-Любань». Будынак разлічаны на 19 ложка-месцаў. Для гасцей створаны камфортныя ўмовы пражывання. Тут ёсць лазня, альтанка з комплексам для гатавання барбекю, якім можна скарыстацца і ў летні, і ў зімовы час. Для прыхільнікаў актыўнага ладу жыцця створаны вяровачны гарадок, нядаўна тут з'явілася экасцежка. У Доме паляўнічага ёсць і маразільная камера для здабытых трафеяў Кожны з гасцей тут будзе адчуваць сябе ўтульна і камфортна. https://zviazda.by/news/lyubanski-rayen-urazhvae-shmatlikikh-gastsey-svaimi-nepa-tor #краеведение#ЛюбанскийРайон#ПрессОбзор#ПрессБеседа#ЗВЯЗДА #лясгасы#лесноехозяйство#отдых#домохотника