‼️Вызвалілі амаль усіх затрыманых учора ўдзельнікаў прафсаюзнай сустрэчы.

З больш як 30-і ўдзельнікаў сустрэчы “Свабоднага прафсаюзу Беларускага”, якіх затрымалі ўвечары 5 сакавіка, на раніцу вызвалілі практычна ўсіх. Іх вызвалілі без складання пратаколу, правёўшы “прафілактычныя гутаркі”. Падчас гутарак студэнтаў уводзілі ў зман пра тое, што нібыта СПБ незарэгістраваны, а іх самых спрабуюць выкарыстаць.
На гэты момант невядомае месцазнаходжанне чатырох студэнтаў – Уладзіслава Калькова, Соф’і Маргуновай (абое – БДУ), Станіслава Сенюковіча (БДМУ) і Хрысціны Міраненка (БНТУ).
Пра факт затрымання будуць праінфармаваныя міжнародныя прафсаюзы. Таксама рыхтуецца адпаведная заява Беларускага кангрэсу дэмакратычных прафсаюзаў.