Чоғланиблар ҳар ишга, юрагинг безиб бўлган,

Ўзинг осмонсан ҳечам, ҳар недан пасман дема,
Бахтга парво қилмаган, Онажон жоним онам,
Чиройлиларни туғиб, чиройлимасман дема.
Кўрсам кўзим қувонган, фариштам, маликамсан,
Саратонда сарғайган, сомон-у хасман дема,
Кечмиши армонга бой, нури дийдам ягонам,
Чиройлиларни туғиб, чиройлимасман дема.
Ҳайқириқ кўксингдадир, заҳматлар вужудингда,
Ўзи бир хокисор-у, ҳам дарвеш касам дема.
Манглайидан бахт ўпган пойи Жаннат бирдонам,
Чиройлиларни туғиб, чиройлимасман дема.
Кўзингдаги ёшингдай, келгин ўзим тўкилай,
Машаққат тоблаганда, армонли сасман дема.
Нурлардан ҳам алойим, Шамсу қамар ҳам ойим,
Чиройлиларни туғиб, чиройлимасман дема.
Чиройлиларни туғиб, чиройлимасман дема.