Ояти ДИЛЛ..

Бо хирадилӣ софии афлок чи суд?
То заҳрдилӣ дорую тарёк чӣ суд?
Бо ҷомаи заррине танат ороӣ,
Нопокдилӣ , зи ҷомаи пок чӣ суд ? !
Фарҳод Дилафг

Дар канорам нестӣ ,

Дар канорам нестӣ, аммо ҷудоӣ нест ин,
Дар маниву ман шудӣ, ҳарфи ҳавоӣ нест ин.
Бурдаи аз ман маро бо ёди ширини худат,
Рост гӯ, ҷонам, магар одамрабоӣ нест ин?
Чун хаёлат мерасад, дар шеър пинҳон мешавам,
Нағз медонам, вале роҳи раҳоӣ нест ин.
Бо ҷамоли мо, ту дунёро тамошо мекунӣ,
Як назар кун бар ҳақиқат, худнамоӣ нест ин.
Дар ҷавоби ишқ аз ту ишқ мехоҳад дилам,
Кам макун аз меҳри худ, аммо гадоӣ нест ин.
Бар ту алмоси дилам бе ҳеч савдо медиҳам,
Қадри ин гавҳар бидон, моли хитоӣ нест ин.
Дар миёни мо набошад қаҳру андуҳу ғазаб,
Бевафоӣ? Дар тариқи ошноӣ нест ин!
***
Сурайё