Մադրիդի «Ռեալի» նախկին առաջատար Կրիշտիանու Ռոնալդուն, որն այժմ պաշտպանում է Թուրինի «Յուվենտուսի» գույները, Եվրոպայի լավագույն ֆուտբոլիստի մրցանակաբաշխության ժամանակ խոսել է իր և Լիոնել Մեսիի փոխհարաբերությունների մասին:👍 🔴 ♥

«Չեմ կարծում, թե ֆուտբոլում հաճախակի է լինում, որ երկու տղա նույն մակարդակով հանդես են գալիս շուրջ 15 տարի: Սա բացառիկ երևույթ է: Իհարկե, մենք ունենք լավ փոխհարաբերություններ: Դեռևս միասին չենք ճաշել, բայց հուսով եմ՝ ապագայում դա կլինի:
Ես, իհարկե, կարոտում եմ Իսպանիայում խաղալը, քանի որ այնտեղ մենք միասին մրցակիցներ էինք: Հիասքանչ է, որ մենք ֆուտբոլի պատմության մի մասն ենք»,- ասել է Կրիշտիանուն:
Հիշեցնենք, որ Կրիշտիանու Ռոնալդուն այս մրցանակաբաշխության ընթացքում ոչ մի մրցանակ չստացավ: Լիոնել Մեսին, որը հավակնում էր տարվա լավագույն ֆուտբոլիստի կոչմանը(Ռոնալդուն՝ նույնպես), բավարարվեց Չեմպիոնների լիգայի՝ մրցաշրջանի լավագույն հարձակվող մրցանակով: Տարվա լավագույն ֆուտբոլիստ ճանաչվեց «Լիվերպուլի» պաշտպան Վիրջիլ վան Դեյկը:
#CristianoRonaldo_Messi ⏪ ⏩ #DeLight