«Յուվենտուսը» հետաքրքրված է «Արսենալի» կիսապաշտպան Աարոն Ռեմսին, հայտնում է «Calciomercato»-ն: Աղբյուրի փոխանցմամբ, թուրինյան ակումբը մոտ ժամանկներս պայմանագիր կառաջարկի ուելսցի ֆուտբոլիստին: Հիշեցնենք` Ռեմսիի պայմանագիրն «Արսենալի» հետ ավարտվում է 2019 թվականի ամռանը, այդ իսկ պատճառով կարող է անվճար տեղափոխվել «Յուվենտուս»: Հարկ է նշել, որ 27-ամյա կիսապաշտպանի ծառայություններով հետաքրքրված են նաև «Մանչեսթեր Յունայթեդը», «Լիվերպուլը», «Չելսին» և «Միլանը»: Ընթացիկ մրցաշրջանում Ռեմսին «Արսենալի» կազմում 8 հանդիպման է մասնակցել բոլոր մրցաշարերում և դարձել է երկու արդյունավետ փոխանցման հեղինակ: Լոնդոնյան ակումբը փորձել է պահել ֆուտբոլիստին, բայց չի կարողացել համաձայնության գալ պայմանագրի երկարաձգման շուրջ: