Сырткы көрүнүшүнөн жол жүрүп, чаңкап, чарчап турганын сезген аял аларга: ʺЖолоочу көрүнөсүздөр, курсагыңыздар да ач болсо керек, үйгө кирип даам татып кетиңиздерʺ - дейт. Алар: ʺҮйдө кожоюнуңуз барбы?ʺ - деп сурашат. Аял: ʺЖок, жолдошум жумуштаʺ- деп, жооп берет. Абышкалардын бирөөсү: ʺЭгер жолдошуңуз үйдө жок болсо, анда биз үйүңүзгө кире албайбыз, күйөөңүз келгенче күтө туралыʺ - дейт. Кеч кирип күйөөсү жумуштан келген соң, аялы болгон окуяны күйөөсүнө айтып берет. Окуяны угаар замат аялына: ʺYч абышканы чакырып кел, конок кылалыʺ- дейт. Аял эшике чыгып, абышкалардын үйгө кирүүсүн суранат. Абышкалардын бири: ʺКызым, мунун аты ʺИйгиликʺ, тигинин аты ʺБайлыкʺ, а менин атым болсо ʺЫнтымакʺ - деп, өздөрүн тааныштырат да, бир учурда үчөөбүз тең үйүңөргө кире албайбыз, бирөөбүздү гана тандай аласыңарʺ- дейт. Аял үйгө кирип күйөөсү менен кеңешет. Күйөөсү: ʺБайлыкты чакыралы, үйүбүзгө байлык келсинʺ- дейт. Аялы болсо күйөөсүнүн тандоосуна кошулбай ийгили кти киргизелиʺ - дейт. Экөөсүнүн бир чечимге келе албай жатканын угуп турган келини: ʺЫнтымакты киргизсек туура болбойбу?ʺ - деп, сунуш киргизет. Күйөөсү: ʺКелиндин оюна кошулам, келгиле анда ʺЫнтымактыʺ чакыралы, бизге сыйлуу конок болсунʺ - дейт. Аялы эшигин ачып: ʺСиздердин кимиңиздер ынтымак?, үйгө кирип конок болуңузʺ- дейт. Ынтымак ордунан туруп үйгө кире баштайт, артынан ийгилик да, байлык да үйгө кирет. Аял таң калып: ʺМен ʺЫнтымактыʺ эле чакырбадым беле, силер экөөңөр эмнеге кирип жатасыңар?ʺ - деп сурайт. Байлык: ʺЭгер мени гана чакырганыңарда, мен гана кирмекмин да, тиги экөөсү сыртта калмак. Эгер ийгиликти гана чакырганыңарда, ийгилик гана кирип, мен жана ынтымак сыртта калмакпыз. Бирок сен ʺЫнтымактыʺ тандадың, ынтымак кирген үйгө, ийгилик да, байлык да киретʺ - дейт, анткени ʺЫнтымакʺ бар жерде ʺИйгиликʺ да, ʺБайлыкʺ да болот.
Присоединяйтесь к ОК, чтобы подписаться на группу и комментировать публикации.
Комментарии 22