Нима қилдим, айтинг дўстлар Онамга деб!

Боғбон бўлдим мевалари ўғлимга деб,
Анжирлардан қиём қилдим боламга деб,
Далалардан гуллар тердим лоламга деб,
Нима қилдим, айтинг дўстлар Онамга деб! Сафарларга чиқсам олдим боламга деб,
Ҳар бозорга борсам олдим қизимга деб,
Дам олишга борсам олдим хотинга деб,
Нима олдим, айтинг дўстлар Онамга деб! Оёғига қўйлар сўйдим боламга деб,
Новос ҳайдаб бордим туйга боламга деб,
Карнай-сурнай соз чалдирдим боламга деб,
Нима қилдим, айтинг дўстлар Онамга деб! Қатор-қатор уйлар солдим боламга деб,
Емай-ичмай тўплаганим боламга деб,
Янги кийим киймай йиғдим боламга деб,
Нима қилдим, айтинг дўстлар Онамга деб! Рўмол олдим оппоғидан байрамга деб,
Пайпоқ олдим юмшогидан Онамга деб,
Балоларга қолди бошим Онамга деб,
Нима қилиб қуйдим, дўстлар Онамга деб!