Савол:ассалому алайкум, қори ака. Баъзилар хабар қилишича, ўзининг акаси ё укасининг хотини билан никоҳсиз ётишаётган экан(!!!) Бунга қандай жавоб берасиз?
Жавоб:ва алайкумус салом. Бировнинг хотини билан ҳеч қандай ҳолатда бирга бўлиш мумкинмас. Бу жуда қаттиқ гуноҳдир. Бундан ҳазар қилиш керак!!!
Зино энг катта ва оғир, энг қабиҳ фаҳш иш саналади. Зино гуноҳи кабирадир. Аллоҳ таоло биз мўмин бандаларга хитобан:“Зинога яқинлашманг! Чунки бу бузуқликдир – энг ёмон йўлдир”,деган (Исро, 32).
Эътибор берилса, бу оятда “зино қилманг”, дейилмаяпти, балки “зинога яқинлашманг”, деб амр қилинмоқда. Бундан келиб чиқадики, мўмин банда зинога олиб бориши мумкин бўлган ҳар қандай ишдан узоқ юриши лозим.
Маълумки, ҳали оила қурмаганлар зино қилса, уларга юз дарра уриш жазоси белгиланади. Аммо оилали эркак ва аёл зино қилган бўлса, улар тошбўрон қилинади. Шундай уларнинг гуноҳи ювилишидан умид қилинади.
Зинонинг катта-кичиги бўлмайди, унинг ҳар қандай тури ҳаромдир. Аммо яқин қариндошлар, ака-ука ёки қўни-қўшни ўртасидаги зино энг қабиҳ ва жуда катта гуноҳ иш саналади. Бу ишни қилган кимсалар Аллоҳнинг лаънатига учрайди.
: : : : : : : : . .
Амр ибн Шураҳбил Абдуллоҳ ибн Масъуд розияллоҳу анҳудан ривоят қилади:“Мен Набий соллаллоҳу алайҳи ва салламдан: “Аллоҳ наздида энг катта гуноҳ қайси?” деб сўрадим. У зот: “Аллоҳга)бирон(нарсани шерик қилишинг. Ваҳоланки, У сени яратган”, дедилар. Мен: “Албатта бу жуда катта гуноҳ. Ундан кейин қайси)гуноҳ энг каттаси(?” дедим. У зот: “Сен билан қўшилиб таом ейишидан қўрқиб болангни ўлдиришингдир”, дедилар. Мен: “Ундан кейин-чи?” деб сўраганимда, “Қўшнинг хотини билан зино қилишинг”, дедилар”)Бухорий, Муслим, Абу Довуд, Аҳмад ва Ибн Ҳиббон ривояти(.
Аслида қўшни қўшнисининг, ака-укалар бир-бирининг омонатини сақлаши, унинг айб-камчиликларини беркитиши, оиласини ҳимоя қилишда кўмаклашиши лозим. Шунинг эътиборидан қўшни ўз қўшнисидан кўп ҳолларда ёмон гумон қилмайди, унга ишонади. Ака-укалар ҳам шундай. Аммо бу ишонч суиистеъмол қилинса, қилинган тақдирда ҳам энг ифлос йўл билан омонатга хиёнат қилинса, бу ишнинг касофати янада оғирроқ бўлади.
Ўзини мўмин санаган, Аллоҳга ва қиёмат кунига ишонган, охиратда нажот топишдан умид қиладиган банда зинонинг ҳар қандай туридан сақланиши керак. У кўз, тил, қўл ёки икки фарж зиноси бўладими, фарқи йўқ.
Шу билан бирга, мўмин киши ҳаром ишдан сақланиши билан бир қатордан ўзгаларни ҳам бу манфур амалдан қайтариши лозим. Сабаби у амру маъруф ва наҳий мункар қилишга буюрилган. Акс ҳолда мусулмонлар жамияти бузилиб, оилалар тинчлигига хавф туғилади, фарзандлар тарбияси издан чиқиб, ҳар бир соҳада таназзулга юз тутилади.
Шундай экан, ўзини маймун ёки чўчқа эмас, балки инсон санайдиган ҳар бир одам зинодан, ака-укаси ё қариндош-уруғ, қўшнилари билан зино қилиш у ёқда турсин, яқинлари хотинига ҳирс кўзи билан қарашдан ҳазар қилиш керак. Акс ҳолда, бунинг оқибати жуда ёмон бўлади!!!
https://www.youtube.com/watch?v=QOm8ppuHBUE ❤️Remove Tube Ads With This Simple Tool #PureTuber ⬇️⬇️⬇️ https://play.google.com/store/apps/details?id=free.tube.premium.advanced.tuber&referrer=utm_source%3dGP_tubershare%26utm_medium%3dshare%26utm_campaign%3dGP_ptrshare
Присоединяйтесь к ОК, чтобы подписаться на группу и комментировать публикации.
Нет комментариев