Предыдущая публикация
Ароқ заводида ишлайдиган кимсанинг намози қабул бўладими?
Савол:ассалому алайкум. Маълумки, ароқни ичиш, сотиш, ишлаб чиқариш, ҳаром қилинган. Агар бир одам ароқни ўзи истеъмол қилмасдан, фақат ишлаб чиқариш заводида хизмат қилса, шу одамнинг ўқиган намози қабул бўладими?
Жавоб:ва алайкумус салом. Аллоҳ таоло маст қилувчи ичимликни ичган, сотган, сотиб олган, ташиган, тайёрлаган, тайёрлатган, хуллас маст қилувчи ичимликларни ичган ва ичилишига сабаб бўлган кимсаларни лаънатлаган. Буларнинг ҳаммаси гуноҳда шерикдирлар.
Ҳадиси шарифларда маст қилувчи ичимлик ичган одамнинг қирқ кунлик намози қабул қилинмаслиги таъкидланган. Аммо ароқ заводида ишлайдиган кимсанинг намози қабул бўлиш ё бўлмаслиги Аллоҳгагина аён.
Ароқ заводида ишлайдиган одамнинг топган пули ҳаром. Буниси аниқ. Шундай экан, унинг қилган амаллари қабул бўлмай қолиш хавфи йўқ эмас. Бунда энг яхши йўл, намозни тўлиқ ўқиб, ҳаром ишлардан сақланишдир. Шунда ибодатлар қабул бўлади. Валлоҳу аълам!
Следующая публикация
Нет комментариев