Nə yaxşı dünyada sən varsan gülüm... ...

Neynirəm dünyanın var, dövlətini,
Mənimçün dövlətsən, varsan sevgilim.
Didib parçalaram mən hər çətini,
Çünki, bu ömrümə sən yarsan gülüm...
***
Səninlə dünyanın sultanıyam mən,
Eşqinlə kükrəyən coşğun dənizəm.
Nur saçan günəşəm, dumanam-çənəm,
Dağamsa zirvəmdə qarsan sevgilim...
***
Mənim ürəyimsən, mənim canımsan,
Şanım-şöhrətimsən, adım-sanımsan.
Dünyada ən böyük arzularımsan,
Görən gözlərimdə nursan sevgilim..
***
Inamsan, ümidsən, xoş bir sabaha,
Bundan böyük xoşbəxtlik varmı daha?
Gündə yüz yol şükr edirəm Allaha,
Nə yaxşı dünyada sən varsan gülüm!!!.......(Ramin Nəbioğlu...)