Таче Марий Эл Кугыжаныш Погын председательын алмаштышыже, Россий калык-влак ассамблейын регионысо пӧлкажын председательже Лариса Яковлеван тӱҥалтышыж почеш эртыше донор вӱрым пуымо акцийыш 12 тӱрлӧ калыкын еҥже-шамыч ушненыт.

– Айдеме илышым утарен кодымо поро паша мемнан могай наций да вера гыч улмына дене йӧршынат кылдалтын огыл. Поро кумыл дене пуымо вӱрна иктаж еҥын илышыжым утарен кода гын, ме куанена веле, – палемда депутат да мер пашаеҥ.
Марий Эл Кугыжаныш Погынын пресс-службыжын фотожо