ФАРИШТА ОНАНИ ХОР ҚИЛГАН ҚИЗЛАР....

Бундан бир неча йил аввал уйда бўлган пайтимда , кечроқ уйдан чиқиб холамларникига бормоқчи бўлиб йўлга чиқдим. Холамларни уйлари унча узоқ эмас. Қиш кунлари эди. Ёмғир ёққан, йўллар сирпанчиқ. Холамларни уйларига етай деганимда, йул бўйлаб ариқ бўлиб, сал нарироқда, кўлмакда, ўрта ёшлар атрофидаги аёл ётар эди. Кўчада ҳеч ким йўқ.
Аёл ҳушида эмас. Кўнглимдан нима ўтгани ўзимга аён. Ким экан бу аёл, нега бу ерда ётибди, мастмикан, юраги касалмикан. Кўринишидан ичадиган аёлларга ўхшамайди. Чунки Россияда юравериб ичиб юрадиган аёлларни бир қарашда ажрата оладиган даражада билар эдим.
Сал ёшлигимгами ёки суст босдими ,нима қилишимни билмадим. Бахтимга бир киши келиб, мени ёнгинамиздаги боғчадан сув олиб келиш учун жўнатди. Сув олиб келганимдан сўнг, аёлнинг бошини кўтариб, унинг юзларига сув сепди. Аёл ҳушига келди.
Бу вақт атрофимизга , одам кўпайишиб, қўлидан келганча ёрдам беришга шошилар эди. Аёлнинг ҳолати бир оз енгиллашгач , унинг ким ва қаердан эканлигини аниқлаш мақсадида аёлга савол билан мурожаат қилдик:
- Онахон тузукмисиз, кимсиз, қаерликсиз, уйингиз қаерда?
Шунда аёл хомушлик билан , мана шу кўп қаватли уйларда яшашини, икки қизи борлигини ва шу қизларидан хафа бўлиб уйдан чиқиб кетганлигини, бир оз юргач боши айланиб қон босими ошгани боис ўзини билмасдан йиқилганлигини айтдилар. Аёлдан қизларининг телефон рақамларини сўрадик. Қизларига қўнғироқ қилиб вазиятни тушунтирдик.
Онаси айтган кўп қаватли уйларга бориб, қизларини чақириб келдим. Аёл анча ўзига келиб қолган эди. Қизлар эса келасолиб чувиллашиб, онасини айблашга тушди. Уларнинг ўз онасига айтган дашномлари ҳаммани ҳайратга қўйди. Зеро қизлар вояга етган, оқ қорани танийдиган ёшда эдилар. Биз қизларга онасининг аҳволи яхши эмаслиги, зудлик билан шифохонага олиб бориши кераклигини айтганимизда, қизлар балан овозда ҳайқиришди:
- Туринг эй она, алдаманг...ётиб олганингизни қаранг...кимни алдайман деб ўйлаяпсиз? Хомтама бўлманг, кимга ўзингизни кўрсатяпсиз ўзи, туринг дейман,эээ бўлди-да!
Шу орада маҳалланинг катталаридан бири келиб машинасида шифохонага олиб бориб қўйишлигини айтиб унга ёрдамлашди.
Шунда ҳам икки қизи бирор бир ёрдам беришга ҳам ярамади. Ҳайдовчи қизлардан:
- Қани қайсиларингиз онангиз билан шифохонага борасизлар?- деб сўради.
Қизларнинг бу муомиласи, олдингисидан ҳам ўтиб тушди.
Катта қиз:
- Мен бормайман, ана синглим борсин !- деса.
- Мен нега бораман, сен каттасан, сен бор !- деди синглиси. Ва опа сингил жанжаллашиб кетишди.
Биз бир амаллаб кичик қизини шифохонага боришга кўндирдик.
Ҳамма ўз йўлида давом этди. Мен эртаси куни Онахондан ҳол аҳвол сўрагани телефон қилдим:
- Онахон аҳволингиз яхшими!?- деб сўрадим.
Онахон яхшилигини, эрталаб уйига келганлигини айтиб мени ҳаққимга узун ва узоқ дуо қилдилар.
- Болам сизга раҳмат,тупроқ олсангиз олтин бўлсин, ота онангизга муносиб фарзанд бўлинг, фарзандларингизнинг роҳатини кўринг...
Мен бу Онахон ҳақида узоқ вақт ўйладим. Бебош қизларини ҳам айтган гапларини хотирамдан ўчира олмадим. Нега кап катта бўлиб қолган қизлар Онанинг юзига оёқ қўйишаяпти, ҳозир Онахоннинг аҳволи қандай экан... Наҳотки отасиз ўсган қизлар , оналарининг сўзини икки қиладиган бетарбия бўлиб кетишса. Қандай нобакор қизлар Онасининг розилигини олмасдан бу дунёда бахтли бўлиб кетиши қийинку.
Кимлардир Она меҳрига зор , кимлар эса қилади хор.
Азизларим, сиз бунга нима дейсиз?!
Эй Аллоҳ Ўзинг адашган бандаларингга йўл кўрсат🤲