ԿՅԱՆՔՆ ԻՐ ԲՈԼՈՐ ԳՈՒՅՆԵՐՈՎ.

_ Ի՞նչ է նշանակում բարեկամ։ _ Բառը հենց ինքը հուշում է՝բարի կամեցող։ _ Ճի՞շտ է,որ մենք մեր հարազատներին անվանում են բարեկամներ։ _ Այո։Իսկ ինչու՞ ես հարցնում։ _ Ինձ թվում է արյունակից լինելն ու բարեկամը շատ տարբեր բաներ են։Բարեկամներ կարող են լինել նաև անծանոթները։ _ Ինչո՞ւ ես այդպես ասում։ _ Իհարկե ցավալի է,բայց փաստ է։Մեր հարազատներից քչերն են մեզ բարին կամենում։Նրանք ընդհամենը կեղծավորների մի մեծ խումբ են,ովքեր մեզ հետ նստում են նույն սեղանի շուրջը։Մեզ հետ հաց են կիսում մեր տան մեջ,իսկ տնից դուրս մեր պատառներն են հաշվում և քննարկում։Հետևաբար նրանք չեն կարող մեր բարեկամները լինել։ _ Բայց չէ՞ որ նրանք մեր արյունակիցներն են։Ինչո՞ւ ես դու այդպես ասում։ _ Այո,արյունակիցներ են,բայց ոչ կամեցողներ։Նայիր շուրջդ և կտեսնես,թե ինչքան ծանոթ _ հարազատներ ունես,ովքեր միշտ փորձում են քեզ օգնել։Նայիր արյունակիցներիդ և կնկատես,թե ինչպես են ուզում կտրել քեզ օգնել ցանկացողների ձեռքերը։ _ Բայց քո ասածի մեջ էլ ճշմարտություն կա։Երեկ իմ հարազատ եղբայրը գումարով օգնեց իր ընկերոջն այն ժամանակ,երբ ինձ ասել էր,որ ոչ մի հնարավորություն չունի ինձ օգնելու։Բայց ինչ վատ է չէ՞։ _ Ոչ թե վատ է,այլ շատ ցավալի է։Եղբայրը եղբորը չի կամենում օգնել,քույրը՝քրոջը։Միթե դրանից տհաճ և զազրելի երևույթ կա աշխարհում։Շատ հաճախ անծանոթներն ավելի շատ մտահոգվում մեզ համար,քան արյունակից _ բարեկամները։ _ Ցավալի իրողություն է։Դա նույնն է ասես, ինչ քեզ կերակրող ձեռքը թիկունքից հարվածի,և միևնույն ժամանակ շարունակի կերակրել քեզ։ _ Կամ երեսիդ ժպտա,և միևնույն ժամանակ ժպիտից զրկի։Սարսափելի է... հեղինակ անհայտ