Ярат әле кабат..

Ярат әле кабат, иң тәүгесе сыман,
Йолдызларны санап очарлык,
Дәртләр тулы язлар агышында,
Ай балкышын җанга кочарлык.
Ярат әле , тойгыларың шашып,
Язгы җилләр сыйпап үткәндәй,
Карашымны йотып йөрәгеңә,
Күңелемне назлап үпкәндәй.
Ярат әле кабат, тәүге яшьләр,
Тыя алмый, тамып керфектән,
Язгы кояш, бозлар эреткәндәй,
Сөю эреп тамсын, йөрәктән.
Ярат әле кабат, язгы гөрләвектә,
Җаннан аккан булып сагышым,
Очырак сыман кинәт килгән бәхет,
Югалтуым булып, табышым..
Ярат әле кабат, иң тәүгесе сыман,
Хыял булып, җанга елышкан.
Калган шунда сеңеп гомерлеккә,
Шайтаныммы, әллә фәрештәм.
Рамзис Мишәр.