Аморим «Ипсвич» билан 1:1 ҳақида: «МЮ» футболчилари жуда кўп ўйлашди.

Майдонда қарор қабул қилиш бўйича муаммолар бор»
Рубен Аморим «МЮ»даги дебют ўйинида «Ипсвич» билан дуранг қайд этгач, фикрлари билан ўртоқлашди.
«Бу жуда қийин лига экани аниқ. Бугун ўйинчилар жуда кўп ўйлашди, бу кўриниб турди. Фақат тўп билан эмас, тўпсиз ҳам қаерда ҳаракат қилиш кераклиги бўйича бу яққол сезилиб турди. Дарҳол ечим топиш қийин, чунки аксарият ўйинчилар билан бор йўғи икки кун машғулот ўтказдик.
Босимсиз ҳам тўпни бир неча марта йўқотдик. Майдонда қарор қабул қилиш бўйича муаммолар бор. Ўйинни тўп билан назорат қилишимиз керак. Жамоа буни қила олмади, аммо шунга уринди. Ўйинни тушуниш, кўп муаммолар устида ишлаш учун ҳали кўп вақт керак бўлади», - дейди Аморим ўйиндан кейин.