Предыдущая публикация
Bermadi Rabb omadim,
Qaysi yo‘lda qoqildim?
Egilmoqni istamay,
Chinordek egildim.
Qiynalganimni, ona,
Qayg‘urganimni, ona,
Ko‘rmang endi manda,
Ko‘rmang endi manda.
Boray desam qo‘ymadi,
Bu yo‘llar qo‘ymadi.
Farzand kutib ko‘zlarin
Eshikdan uzolmaydi.
Quyosh botib oy to‘lsa,
Siz tomon yo‘l olsam,
Qo‘lda to‘qilgan ro‘molni
Qalbingizga o‘rasam.
Ona, mening onam.
Onamni yig‘latmanglar,
Yuragimdan olib,
Ko‘nglini og‘ritmanglar.
Shuncha azob berdimmu,
O‘rniga yig‘lay o‘zim,
Xasta mening onam,
Onamni yig‘latmanglar.
Yana yo‘lim darbadar,
Oramizda yillar.
O‘rtamizda daryolar,
O‘tgani qo‘ymaydilar.
Ahvolingiz o‘ylasam,
Yoshga to‘ladi ko‘zim.
Sensiz har bir kun, ona,
Uzoq yerlardan o‘zib
Borolmayman, ona.
Yurak cho‘g‘ bo‘lib ketdi,
Tushlarimda gullar,
Tikonga singib ketdi
Qayg‘u qo‘sha qayg‘u.
Azobida chidayman,
Onamni yig‘latmang.
Yig‘latmang, chidolmayman.
Ona, mening onam.
Onamni yig‘latmanglar,
Yuragimdan olib,
Ko‘nglini og‘ritmanglar.
Shuncha azob berdimmu,
O‘rniga yig‘lay o‘zim,
Xasta mening onam.
Onamni yig‘latmanglar.
Следующая публикация
Нет комментариев