«Մանչեսթեր Յունայթեդի» գլխավոր մարզիչ Ժոզե Մոուրինյոն ֆրանսիական «Սենտ Էթյենի» դեմ Եվրոպայի լիգայի 1/16 եզրափակիչի առաջին խաղից առաջ անդրադարձել է Պոգբա եղբայրներին: Անգլիական ակումբի ֆրանսիացի կիսապաշտպան Պոլ Պոգբայի ավագ եղբայր Ֆլորենտին Պոգբան խաղում է «Սենտ Էթյենում»:«Պոգբայի հետ զրուցել ենք այդ մասին: Կարծում եմ՝ դա ճակատագիր է: Ըստ ինձ՝ այս իրավիճակում ամենաբարդը լինելու Պոգբայի մոր համար, ինչը նորմալ է: Նա չի կարող հաղթել այստեղ: Պոլն ինձ ասել է, որ նրա մայրը ցանկանում է ոչ ոքի արդյունք, սակայն պատասխան խաղից հետո նրա որդիներից մեկը տխրելու է: Այնպես որ, դա խնդիր է միայն նրա մոր համար, իսկ եղբայրները կվայելեն իրա դեմ խաղալը: Դա հրաշալի է»,- մարզիչի խոսքը մեջբերում է Sky Sports-ը:Հանդիպումը կկայանա Մանչեսթերում եւ կմեկնարկի Երեւանի ժամանակով 00:05-ին (փետրվարի 17):