Интернет сайталда сардаги т1амун

Система хун буго дур г1умроялъул,
Сардида кьижулеб заманги кват1ун
Компьютералъ вуго махсарде кколев
Рек1ел асаралъе саринлъун гьеч1еб
Системный блокгун вуго х1алт1улев
Сардилъ макьу гьеч1еб мониторалда
Моникалгун буго хабар кьабулеб…
Виртуальный рокьи ракьулъги букъун,
Рач1а гьудул дуе лъади ячине,
Лъебералда хадур саналги анин,
Сордо берцинлъизе гьудуги гьеч1ин.
Гьаб диниялалъул кеп босулаго,
Кареналда хъах1аб расги бакканин,
Компьютералъулгун рокьиги гьабун,
Гьайбатай ячарай к1очонги танин.
Диналде вуссарав бусурбан чияс,
Лъади ячин т1адаб, лъаларищ дуда?
Дуниял бич1ч1арав муджтагидасе
Макьу гьуинлъизе гьейкъвариг1уней.
Къилбаялде вуссун какал раниги,
Куфруялдаса мун лъица ц1унулев?
Ц1ияб компьютергун мун х1алт1аниги
Х1алалай гьудул дуй лъица хисулей?