13, 14, 15- Шаввол кунлари 9, 10, 11- август кунларига мувофиқ келмоқда.
Бу кунлар ҳижрий қамарий ойнинг 13, 14, 15-кунлари бўлиб Пайғамбар соллаллоҳу алайҳи ва саллам шу кунларда рўза тутишга тарғиб қилардилар.
Шаввол ойидан олти кун тутмоқчи бўлганлар ушбу уч кунда икки ниятни бир қилиб рўза тутишлари дуруст бўлмайди. Гарчи бу амални дуруст бўлишини кўпчилик уламолар айтган бўлсаларда, шайх Муҳаммад Мухтор Шинқийтийнинг бу хусусда ўзгача қарашлари бор. Айтадиларки, ойдин кечаларнинг кундузидаги рўза билан душанба ва пайшанба рўзаларини жамласа бўлади. Чунки, душанба ва пайшанба кунлари рўза бўлиш билан бу куннинг савоби олинади, бу кунларда "Ойдин кечалар"нинг кундузларидаги рўзани тутган одам ҳар икки савобни олади. Аммо "Ойдин кечалар"нинг кундузларидаги рўза 10 га кўпайтирилиб 3х10=30 гўё бир ой рўза тутгандек ажрли бўлгани ва шавволнинг олти куни ҳам Рамазоннинг 30 куни 300га тенг шавволнинг 6 куни 60 га тенг жами 360 кун, яъни бир йил тўла рўза тутган ажрга эга бўлиш учун тутилгани учун бир кунда тутилган рўза 20 кунга тенг бўлиб қолиши лозим бўлади. Шунинг учун бу кунлар бир-бирига киришмайди, уларни алоҳида тутиш керак бўлади. Валлоҳу аълам.
عَبْدُ الْمَلِكِ بن منهال عَنْ أَبِيهِ، أَنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ " يَأْمُرُ بِهَذِهِ الْأَيَّامِ الثَّلَاثِةِ الْبِيضِ وَيَقُولُ: "هُنَّ صِيَامُ الشَّهْرِ"
Абдулмалик ибн Минҳол отасидан ривоят қилади Расулуллоҳ соллаллоҳу алайҳи ва саллам мана шу уч ойдин кечаларнинг кундузида рўза тутишга буюрардилар ва булар тўла бир ой рўза тутиш(га тенг) дердилар. Насоий ривояти ҳасан ҳадис.
عَنْ أَبِي ذَرٍّ، قَالَ: " أَمَرَنَا رَسُولُ اللَّهِ صَلَّى اللهُ عَلَيْهِ وَسَلَّمَ أَنْ نَصُومَ مِنَ الشَّهْرِ ثَلَاثَةَ أَيَّامٍ الْبِيضَ: ثَلَاثَ عَشْرَةَ، وَأَرْبَعَ عَشْرَةَ، وَخَمْسَ عَشْرَةَ "
Абу Зардан ривоят қилинади деди: Расулуллоҳ соллаллоҳу алайҳи ва саллам ҳар ойдан уч ойдин кечанинг кундузларида: ўн уч, ўн тўрт ва ўн бешинчи кунлари рўза тутишимизга буюрдилар. Насоий ривояти 2422, 2423 ҳасан ҳадис.
Имом Бухорий "Ойдин кечаларнинг кундузлари – 13, 14, 15 -да рўза тутиш ҳақидаги боб, деганларидан сўнг қуйидаги Абу Ҳурайранинг ҳадисини келтирганлар.
عَنْ أَبِي هُرَيْرَةَ رَضِيَ اللَّهُ عَنْهُ قَالَ أَوْصَانِي خَلِيلِي صَلَّى اللَّهُ عَلَيْهِ وَسَلَّمَ بِثَلاثٍ صِيَامِ ثَلاثَةِ أَيَّامٍ مِنْ كُلِّ شَهْرٍ وَرَكْعَتَيْ الضُّحَى وَأَنْ أُوتِرَ قَبْلَ أَنْ أَنَامَ متفق عليه
Абу Ҳурайра розияллоҳу анҳу дедилар: «Халилим соллаллоҳу алайҳи ва саллам ҳар ойда уч кун рўза тутишни, (кунда) икки ракъат чошгоҳ намозини ҳамда ухлашдан аввал витр намозини ўқишни менга васият қилдилар» (Муттафақун алайҳ).
عَنْ عَبْدِ اللَّهِ بْنِ عَمْرو بْنِ الْعَاصِ رَضِيَ اللَّهُ عَنْهُمَا قَالَ قَالَ النَّبِيُّ صَلَّى اللَّهُ عَلَيْهِ وَسَلَّمَ: «صَوْمُ ثَلاثَةِ أَيَّامٍ صَوْمُ الدَّهْرِ كُلِّهِ» متفق عليه
Абдуллоҳ ибн Амр розияллоҳу анҳумодан ривоят қилинади: Расулуллоҳ соллаллоҳу алайҳи ва саллам айтдилар: «(Ҳар ойдан) уч кун рўза тутиш умрбод рўза тутиш (билан баробар)» (Муттафақун алайҳ).
Присоединяйтесь к ОК, чтобы подписаться на группу и комментировать публикации.
Нет комментариев