Қаҳрамон йигитлар урушга кетди,
Чўғ бўлиб ёндириб қолди излари.
Оловлар ичида бўйингиз етди,
Уруш йилларининг жонон қизлари.
Муҳаббат, муҳаббат, илоҳий наъво,
Сизга ёр васлини кўрмади раво.
Хатларга термулиб умрингиз ўтди,
Уруш йилларининг жонон қизлари.
Қадоққўл юртимнинг Зулайҳолари,
Дилбарлари, Дилдор, Дилраболари.
Йиғидан қизарган шаҳло кўзлари —
Уруш йилларининг жонон қизлари.
Қорлар кечиб юриб кўсаклар терган,
Сепини тўп қилиб фронтга берган.
Йигит кўрган ҳамма балони кўрган,
Уруш йилларининг жонон қизлари...
Замин минг айланса, айланса Замон,
Яхшини яхши деган, ёмонни ёмон.
Муҳаммад Юсуф энг тансиқ сўзлари —
Уруш йилларининг жонон қизлари.
Яна қуёш чикди, Я на қуёш ботди.
Умримнинг бир кунин Пойига отдим.
Яна ачинмадим, Тирикчилик дедим,
Тинмадим...
Присоединяйтесь к ОК, чтобы подписаться на группу и комментировать публикации.
Нет комментариев