Vujudim ingraydi, oh tortar yurak,

Ko'zlarim izlaydi aldov yo'lini.
Qo'limdan kelmaydi taskindan bo'lak,
Uzur so'rolmasman ushlab qo'lini.
Ey menga ko'nglini ochgan parizod,
Qo'ygin suymog'inga arzimasman men.
O'tkinchi hislardan diling et ozod,
Qo'ygin, kuymog'inga arzimasman men.
Men bir devonaman yo'lin yo'qotgan,
Ko'ziga ko'rinmas totli nematlar.
Yuragim muz qotgan, toshdayin qotgan,
Hatto ko'rinmaydi shirin farzandlar.
Sendan birgina o'tinchim bordir,
Meni qiynoqlardan qutqar iltimos.
Sendan boshqalar ham men uchun zordir,
O'tkinchi hislardan meni et halos.( oilali erkakni sevib qolgan qizlar uchun, hayotda shunaqasi ham bo'larkan)