Пойингизда хор бўлган

Пойингизда хор бўлган,
Бағрингизда тор бўлган,
Меҳрингизга зор бўлган,
У менинг қалбим эди.
Арзонларга сотдингиз,
Бозорларда тортдиндиз,
Яна тошлар отдингиз,
У менинг қадрим эди.
Ёлғонларга алмашган,
Севаман деб алдашган,
Сизни танлаб адашган,
У менинг бахтим эди.
Фалакларга сачради,
Ёмонлардан чарчади,
Мудом сизга учради,
У менинг дардим эди.
Юрак қонимдан тушган,
Кейин дилларни қучган,
Қўлларимдан сув ичган,
У менинг сатрим эди.
Ошиқ Аҳад кўз илган,
Аввал ҳам кўп қазилган,
Муҳаббат деб ёзилган,
У менинг қабрим эди.