Qizlar qöshig'i.

Qiz yöq uyda sarin sabo esmaydi,
Qiz yöq uyda jambul-rayhon ösmaydi.
Ög'illarning ota bilan ishi yöq,
Qiz otasin har qadamda eslaydi.
Közlariga surgay yurgan izingiz,
Qay ög'ildan kamdir,ayting,qizingiz.
Qiz yöq uyda tonglar erta otmaydi,
Tomda oftob,ayvonda oy yotmaydi.
Ög'il qanday döst böladi,bilmadim,
Qiz döst bölsa - siringizni sotmaydi.
Og'ir kunda jovdiratmas közingiz,
Qay ög'ildan kamdir,ayting,qizingiz...
Umr daryo,tolega kim kafildir,
Qizning borar joyi bölak sohildir.
Qiz dardiga etmaganlar g'ofuldir,
Qiz bor uyda yorug' bölgay yuzingiz,
Qay ög'ildan kamdir,ayting,qizingiz...
Dunyo körki - shu közlari shahlolar,
Qizlar bilan chamanzordir sahrolar.
Bir qayrilib Qaysni Majnun aylagan,
Tohirlarni Tohir qilgan - Zuhrolar.
Qiz tufayli butun rizqu rözingiz,
Qay ög'ildan kamdir,ayting,qizingiz...
Ayting,kimni paymonasi tölmagan,
Qiz bor - ota yot bag'rida ölmagan.
Ög'lim yöq deb ökinganlar - johillar,
Hatto Muhammadning ög'li bölmagan!..
Bilib ayting aytar har sözingiz,
Qay ög'ildan kamdir,ayting,qizingiz?!.