Защитная молитва от врагов Архангелу Михаилу...

О, Господи Боже, Великий Царь Безначальный, пошли, Господи, Архангела Своего Михаила на помощь рабу Твоему (имя), изъяти мя от врагов моих видимых и невидимых. О, Господень Архангеле Михаиле, излей мира благостыне на раба Своего (имя). О, Господень Михаиле Архангеле , демонов сокрушителю, запрети всех врагов, борющихся со мною, сотвори их яко овцы, сокруши их яко прах пред лицом ветра. О, Господень Великий Михаиле Архангеле , шестокрылатых первый княже, Воеводо Небесных Сил -- Херувим и Серафим! О Чудный Архангеле Михаиле , буди мне помощь во всем, в обидах, скорбях, в печалех, в пустынех, на распутьях и на реках, и на морях тихое пристанище. Избави мя, великий Михаиле Архангеле, от всякия прелести диавольския егда услышишь мя грешнаго раба Своего (имя), молящегося Тебе и призывающего имя Твое святое, ускори на помощь мою и услыши молитву мою. О, Великий Архангеле Михаиле, победи вся противящиеся мне силою Честнаго, и Животворящаго Креста Господня, молитвами Пресвятыя Богородицы и святых ангел, и святых апостол, и святого Николая Чудотворца, и святого Андрея юродиваго и Святого пророка Илии, и святых великомучеников Никиты и Евстафия, преподобных отец и святых святителей, мученик и всех святых Небесных Сил. Аминь
Молитва святому Архангелу Михаилу
О, святы́й Михаи́ле Арха́нгеле, светлообра́зный и гро́зный Небе́снаго Царя́ воево́до! Пре́жде Стра́шнаго Суда́ осла́би ми пока́ятися от грехо́в мои́х, от се́ти ловя́щих изба́ви ду́шу мою́ и приведи́ ю́ к сотво́ршему ю́ Бо́гу, седя́щему на Херуви́мех, и моли́ся о ней приле́жно, да твои́м хода́тайством по́слет ю́ в ме́сто поко́йное. О гро́зный Воево́до Небе́сных Сил, предста́телю всех у Престо́ла Влады́ки Христа́, храни́телю тве́рдый всем челове́ком и му́дрый ору́жниче, кре́пкий Воево́до Небе́снаго Царя́! Поми́луй мя, гре́шнаго, тре́бующаго твоего́ заступле́ния, сохрани́ мя от всех ви́димых и неви́димых враг, па́че же подкрепи́ от у́жаса сме́ртнаго и от смуще́ния диа́вольскаго и сподо́би мя непосты́дно предста́ти Созда́телю на́шему в час стра́шнаго и пра́веднаго Суда́ Его́. О всесвяты́й вели́кий Михаи́ле Архистрати́же! Не пре́зри мене́, гре́шнаго, моля́щагося тебе́ о по́мощи и заступле́нии твое́м, в ве́це сем и в бу́дущем, но сподо́би мя та́мо ку́пно с тобо́ю сла́витии Отца́ и Сы́на и Свята́го Ду́ха во ве́ки веко́в. Ами́нь.