#Машраб бобомиз ғазалига, Қорийдан мухаммас

Қилғил тараҳҳум сўзоналарга,
Бағри эзилган гирёналарга,
Шоҳи жаҳоним ҳайроналарга,
Кўрсат жамолинг мастоналарга,
Ишқингда куйган девоналарга.
Зикрингда жоним топди ҳаловат,
Муфлис гадога қилғил саховат,
Муҳтож эрурман этгил каромат,
Мандин дуойи сандин ижобат,
Жоним тасаддуқ жононаларга.
Ошиқға жавринг тарк айломойин,
Қаҳру итобинг кам айломойин,
Зулфи сиёҳинг ҳам айломайин,
Эй бағри қаттиғ раҳм айломойин,
Қилғил назора бечораларга.
Ҳар тунда оҳим оламға тўлғай,
Нола-фиғоним етса на бўлғай,
Бу ташна бўлгон қонса на бўлғай,
Шамъи жамолинг ёнса на бўлғай,
Тун кеча бўлса парвоналарга.
Дарёлар оқди ашки равондин,
Сақла қулунгни роҳи омондин,
Қорийга кўрсат роҳи омондин,
Машраб сани деб ўтди жаҳондин,
Бошини қўюб остоналарга.
Жамолига ошиқ кўнгиллар учун !