Менда бир туйғу бор бўлмас айтмасам,

Буни ҳар бир юртдошим сезса қанийди?
Дунёда ўзбекни билмаганлар ҳам,
Ислом Каримовни яхши танийди.
Тарихга бўйласак миллатин номин.
Оламга таратган ўзбеклар бисёр
Лек бизнинг замонда юртимиз шонин
Юртбошидан юксак кўтарган ким бор?
Ўйланг аҳир бўйи етмай қулликка
Ким бузди биз банди ётган қафасни?
Бизларни ким этди мустақилликка
Худо ёрлақаган шу зот эмасми?
Бу на тақдир ҳукми, бу на бир синов
Бу на бир синоат эди дўстларим
Прометей қуёшдан олгандек олов,
Бу асл матонат эди дўстларим
Бу мушкул ҳол гўё бир гала бўри
Тиш қайраб турганда қўйларга қараб.
Қудратин кўрсатиб йўлбарслар зўри,
Хавфни даф этганга кетарди ўхшаб.