УНУТМАЙСАН МЕНИ БИР УМР!

Ёдингга солади мени ой, қуёш,
Ёдингга солади ҳар кун, ҳар бир он!
Мени унутмайсан энди бир умр,
Лекин мен севмайман сени ҳеч қачон!
Сен томон ўтиниб чорлар ҳар қадам,
Сен томон кетаман бемурод, сарсон!
Ёдимда қоласан энди бир умр,
Лекин мен севмайман сени ҳеч қачон!
Умр бир дарёдек тўлғонди, тўлди,
Дунёга боқасан умидвор, ҳайрон!
Ёдингда тураман энди бир умр,
Лекин мен севмайман сени ҳеч қачон!
Кунлар ўтиб борар шошиб, шошдириб,
Қайга шошаяпсан, демас бир инсон?!
Бизни кутиб ўтар кунлар бир умр,
Лекин мен севмайман сени ҳеч қачон!
Нима айб қилгандик, қилиб саргардон,
Нега эслатасан, нега Художон?!
Уни унутмайман энди бир умр,
Барибир севмайман Уни ҳеч қачон!
МЕН СЕНИ СЕВМАЙМАН ЭНДИ ҲЕЧ ҚАЧОН!