Заминларзаи шадид: як кӯдак ҳалок, 29 хона ва мактаб хароб гардиданд

Имрӯз субҳ дар шарқи Тоҷикистон заминларзае бо қувваи 5 балл рух дод, ки боиси харобшавии 29 хона ва як мактаб гардид. Дар ин ҳодиса як кӯдаки 3-сола ҳалок шудааст.
Ба гузориши ТоҷикПресс, заминларза соати 09:24 (ба вақти Душанбе) дар минтақаи Рашт, дар 160-километрии шимолу шарқи пойтахт, ба амал омад. Баъд аз он ду пасларзаи дигар бо қувваи 4 ва 3 балл сар зад.
Хисоротҳо:
1 кӯдаки сесола зери девор монда, ҳалок шуд.
17 хона ва як мактаб дар ноҳияи Рашт қисман хароб шуданд.
12 хонаи дигар дар ноҳияи Тоҷикобод тахриб гардиданд.
Чорабиниҳо:
Комиссияи Кумитаи ҳолатҳои изтирорӣ бо сарварии Ҳотамшо Латифзода ба минтақа рафта, хисоротҳоро месанҷад. Тоҷикистон аз ҷиҳати заминларза кишвари фаъол аст ва чунин ҳодисаҳо дар он ҳамвора рух медиҳанд.
Қайд: Маълумоти пурра дар бораи зарари воқеӣ пас аз арзёбии ниҳоӣ эълон хоҳад шуд. https://tajikpress.com/2025/04/13/заминларзаи-шадид-як-кӯдак-ҳалок-29-тоҷи/