Men bormasam, sen

kelmasang,
Men yonmasam, sen
yonmasang,
Bir kun kuyib kul bo‘larman,
Sevganimga ishonmasang.
O‘rtamizda g‘urur bordir,
Ikkimizga dunyo tordir.
Har kun eshik qoqadi baxt,
Umidvordir, umidvordir.
Ko‘zlarimiz mahzun-mahzun,
Hislarimiz bizdan, mavhum.
So‘zlarimiz qisqa-qisqa,
Shartlarimiz uzun-uzun.
Birovlarga o‘xsholmasak,
Odamlardek yasholmasak,
Oxiri qanday tugaydi,
O‘zimizga ishomasak.
Bu darddan qutulay deyman,
Bir umrga uxlay deyman.
Bir zumga seni o‘ylasam,
Yig‘lay deyman, yig‘lay deyman.
Men bormasam, sen
kelmasang...