ქალი ცოტა, ცოტა მაინც,

უნდა იყოს ჭირვეული,
ცოტა კიდევ, ცოტა კიდევ,
უნდა იყოს მეტიჩარა,
არც ჭკვიანი, არც სულელი,
სადღაც შუას მიწეული
ლამაზიო?! - ლამაზი კი...
თუმცა მეტისმეტიც არა.
მაგრამ გული, მაგრამ გული
უნდა ჰქონდეს თბილი, თბილი,
გაგონებდეს იმ გაზაფხულს -
ფერადს, ჭრელა-ჭრულას მმოსავს.
რომ შეხედავ - ცა უღრუბლო,
ცა, ცხრაკარებ გადახსნილი.
ღიმილი კი? - ო, ღიმილი,
უნდა ჰგავდეს მზის ამოსვლას!