გერქვას თუ გინდა მაწანწალა, უსახო სახით, თუ გინდა ლოთი, სიყვარულით მთვრალი დიოდე, ოღონდაც მოდი, გამაგიჟე ნამდვილის ნახვით, იმედიანი სიყვარულით რომ დავდიოდე.

მოდი აისზე, მთვარის შუქზე, წვიმა–ქარებში, წრფელი სათქმელი მომიტანე, სულ რომ შემშალო. უიმედობა წამიშალე დაღლილ თვალებში, არ გამაოცო, გთხოვ, ოღონდაც არ შემეშალო. მოდი მეცეკვე, შემაჯახე გრძნობის ქარაფებს, ჩემივე გულის მასმენინე ბედნიერ ფეთქვას, სანამ ცხოვრება უკანასკნელ ძალას წამართმევს, მოდი, ოღონდაც სიყვარული სახელად გერქვას. იყავ ვინც გინდა, გამაბავშვე და გამაკვირვე, სიყვარულით რომ მაწუხებდე..(ნატვრა აღმომხდა) ბედნიერებით გამაგიჟე და ამატირე, თუ გინდა გერქვას მაწანწალაც, მერე რა მოხდა.