ერთხელ, როდესაც მეგობრობას აუბა მხარი, ლომს რესტორანში საქეიფოდ შემოყვა ხარი, და რადგან ჰქონდათ ჯანმრთელობა ორივეს რკინის, გათენებამდე აღარ მორჩნენ დალევას ღვინის, აღარ უჩანდა მათ უაზრო ღრიანცელს ზღვარი, მაგრამ უეცრად ტელეფონის გაისმა ზარი, და ხმის კანკალით, ფერწასული, სუფრასთან მჯდომი, „ახლავე მოვალ” ჩურჩულებდა ყურმილში ლომი.

„უბრალოდ რაღაც საქმე მქონდა, ამიტომ შევრჩი” თქვა ეს და თვალი ხარს ჩაუკრა, რომ ეჯდა გვერდში ვინ არის ასე რომ გაშინებს, გაოცდა ხარი, როდესაც ლომში ამოიცნო უეცრად ცხვარი, გთხოვ მაპატიო - ლომმა უთხრა, - ჩემია ცოლი დღეს ჩვენს ოჯახში, მას ეკუთვნის მთავარი როლი. ხარს გაუკვირდა ცოლს რად აძლევ უფლებებს ამდენს მე, მაგალითად, ჩემი ცოლი სულ კუდში დამდევს. ლომს გაეცინა, ცოლს ძნელია მოუგო ომი შენი ცოლი ხომ ძროხაა და ჩემი კი ლომი!! მეც ამბის ბოლო, რა თქმა უნდა, იქითკენ მიმყავს რომ სანამ ცოლთან ჩხუბს, დაიწყებ დაფიქრდე, ვინ გყავს!