ერთხელ მგელს ძვალი გაეჩხირა ყელში, საშინელ დღეში იყო და ყველას დახმარებას სთხოვდა.

– რა დაგემართაო? – ჰკითხა მას წერომ.
მგელმა წეროს თავისი გასაჭირი უამბო და დახმარებისათვის დიდ ჯილდოს დაჰპირდა.
მოსალოდნელი ჯილდოთი აღტაცებულმა წერომ მგელს კისერში თავისი გრძელი ნისკარტი ჩაუყო და ძვალი ამოიღო.
გახარებულმა მგელმა წეროს ზედაც კი არ შეხედა. წერო აღშფოთდა და მგელს დანაპირების შესრულება მოსთხოვა.
მგელს გაეღიმა და ღიმილით უთხრა:
– უმადურო არსებავ. თავი მგლის პირში გედო და მაინც უვნებლად გადარჩი და ამაზე მეტი ჯილდო რაღა გინდაო?
მორალი: როცა ადამიანს რამეს უკეთებ, სანაცვლოდ ნურაფერს ელი.
თუ ამ ძნელადგასათვალისწინებელ რჩევას გაითვალისწინებთ იმედიც ნაკლებად გაგიცრუვდებათ მომავალში და არც გული გეტკინებათ.