Асабліва шмат пацярпелых у Карачы, найбуйнейшым горадзе краіны.

Тэмпература паветра тут перавысіла 40 градусаў, але праз высокую вільготнасць адчувалася як усе 50.
У звычайны дзень у гарадскі морг Карачы паступаюць ад трыццаці да сарака цел. Але за апошні тыдзень іх колькасць вырасла да 568, з іх 141 – толькі ў аўторак. Кіраўнік Фонду Эдхі, які кіруе найбуйнейшай у краіне службай хуткай дапамогі, адзначыў, што большасць памерлых была з бедных раёнаў.
Пакуль нельга з упэўненасцю сказаць, што ўсе памерлі ўласна ад цеплавога ўдару, але высокія тэмпературы, безумоўна, былі адной з прычын смерці.
Па словах загадчыка аддзялення неадкладнай дапамогі ў Грамадзянскай бальніцы Карачы, з нядзелі па сераду па дапамогу звярнуліся 267 чалавек з цеплавым ударам, 12 з якіх пазней памерлі.
Сітуацыю пагаршаюць перабоі з падачай электраэнергіі ў горадзе – адключаюцца кандыцыянеры і вентылятары, адзіная магчымасць выратавацца ад гарачыні.
Эксперты мяркуюць, што такія экстрэмальныя з'явы надвор'я становяцца ўсё больш частымі і інтэнсіўнымі ў выніку змены клімату. Пры гэтым, сам Пакістан нясе адказнасць менш чым за 1% выкідаў вуглякіслага газу ў свеце. А вось наступствы адчувае на сябе ў поўнай меры.
Крыніца: https://www.bbc.com/russian/articles/cgxq2721y54o?ocid=wsrussian.social.in-app-messaging.telegram..russiantelegram_.edit