Прэс-служба Дзяржаўнага мытнага камітэта паведаміла, што з 00:00 1 красавіка 2024 года на бяспошлінны ўвоз тавараў для асабістага карыстання пачнуць дзейнічаць новыя ліміты.

Цяпер па рашэнні Савета Еўразійскай эканамічнай камісіі норма складае 1000 еўра і 31 кілаграм. З наступнага месяца ліміты знізяцца так:
🔹500 еўра і 25 кілаграмаў у адносінах да тавараў, якія ўвозяцца наземным транспартам;
🔹200 еўра і 31 кілаграм у адносінах да тавараў, якія ўвозяцца ў міжнародных паштовых адпраўленнях і перавозчыкам у адрас фізічных асоб.
Што да тавараў, якія ўвозяцца паветраным транспартам, для іх норма бяспошліннага ўвозу не зменіцца. Яна складае 10 тысяч еўра і 50 кілаграмаў.
У Дзяржаўным мытным камітэце просяць улічваць гэтую інфармацыю пры перасячэнні мяжы.
Крыніца: https://t.me/customs_bel/3126