Районның өч фельдшер-акушерлык пунктында медицина җиһазлары җитәрлек булмавы ачыкланды.

Прокуратура күрсәтелгән ФАПларда җиһазландыру стандартларын тиешенчә үтәүне тәэмин итү таләбе белән судка мөрәҗәгать итте.
Бөгелмә шәһәр прокуратурасы «Бөгелмә үзәк район хастаханәсе» дәүләт автоном сәламәтлек саклау учреждениесенең Забугоровка, Зеленая Роща һәм Акбаш фельдшер-акушерлык пунктларында тикшерү үткәрде һәм әлеге ФАПларда җиһазландыру стандартлары үтәлмәвен ачыклады.
Тикшерү нәтиҗәләре буенча прокуратура учреждение адресына сәламәтлек саклау турындагы закон бозуларны бетерү турында күрсәтмә керткән.
Прокурор тәэсире актын карау нәтиҗәләре буенча хастаханә 2025 елга медицина җиһазлары сатып алуны финанслау каралмаган һәм Татарстан Республикасы Сәламәтлек саклау министрлыгына мөрәҗәгать иткән. Кабат тикшерү барышында югарыда күрсәтелгән хокук бозуларның бетерелмәве ачыкланган.