Бөгелмә балалар бакчасында юл хәрәкәте иминлеге кагыйдәләре буенча чаралар уздырылды

Балалар юл хәрәкәтенең төп кагыйдәләрен өйрәнеп кенә калмыйлар, ә юлларда үз-үзләрен куркынычсыз тотуның мөһим күнекмәләрен дә үзләштерәләр.
1 нче «Карлыгач» мәктәпкәчә учреждениесендә юл хәрәкәте иминлеге атналыгы узды. Төп максаты — юлларда үз-үзеңне куркынычсыз тоту күнекмәләрен формалаштыру, балаларны транспорт мохитенә җайлаштыру.
Балалар бакчасында юл-транспорт травматизмын профилактикалау һәм мәктәпкәчә яшьтәге балалар тарафыннан юл әлифбасы кагыйдәләрен өйрәнү системасы эшләнгән, аларны баланың гомуми мәдәниятен тәрбияләүнең бер өлеше итеп карыйлар.
Юл хәрәкәте иминлеге атнасы дәвамында педагоглар төрле эш формаларын сайладылар. Алар танып-белү циклы буенча уен дәресләре, әңгәмәләр, күңел ачулар, транспорт хәрәкәтен күзәтүләр үткәрделәр, иллюстрацияләр карадылар, матур әдәбият укыдылар, үстерә торган, сюжетлы-рольле, хәрәкәтчән уеннар, мастер-класслар, челленджлар, акцияләр оештырдылар, юл хәрәкәте кагыйдәләре буенча белемнәрен яңарттылар.
Балалар өчен иң кызыклысы ата-аналар өчен «Имин хәрәкәт», «Баланы кулыннан тот» һәм «Күңелле светофор» (беренче кече төркем, педагоглар Эрика Молявкина һәм Сәрия Алиева) дәресләре, "Юлга кара һәм бәлагә эләкмә!«(икенче кече төркем, педагоглар Валентина Герантьева, Ольга Григорьева, музыка җитәкчесе Наталья Соловьева), «Үз кулларың белән фликер» мастер-классы (урта төркем, педагоглар Розалия Фәйрушина һәм Ирина Кириллова), «Бала — төп пассажир» акциясе (өлкән төркем, педагоглар Людмила Фонакова, Татьяна Никифорова).
Шулай ук «Юл хәрәкәте куркынычсызлыгы» ДБУнең Әлмәт шәһәрендәге Бөгелмә бүлекчәсе начальнигы Татьяна Баянова балаларны тотып тору җайланмаларының әһәмияте турында балаларның ата-аналарыннан сорашты. Барлык әниләргә һәм әтиләргә белешмәләр тапшырылды.
Моннан тыш, атна дәвамында балалар белән юл хәрәкәте кагыйдәләре турында тематик әңгәмәләр, «Юл билгеләре илендә» әлеге тематика буенча китаплар, рәсемнәр күргәзмәсе үткәрелде. Төркемле мәгълүмат стендларында ата-аналар өчен юл хәрәкәте куркынычсызлыгы тематикасы буенча консультацияләр күрсәтелде.
ФОТО: Галина ЯГУПЬЕВА.